Republic of Somalia
The Presidency
Office of the Chief of Staff
Directorate of Communications
JS/XM/DOC/ 555/12 Date:09 /11/2012
War-Saxaafaddeed:
(Mogadishu, Somalia, November,09, 2012) ) Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta xafiiskiisa ku qaabilay, wariyayaashii ka soo laabtay magaaladda Kismaayo, madaxda warbaahinta Soomaalida,tifaftirayaal, iyo qaar ka mid ah wakiiladda warbaahinta Caalamiga ah.
Ugu horeyn Madaxweynahu wuxuu warbixin ku qotanta daruufaha iyo dhibaatooyinka heysta saxaafadda ka dhageystay tifaftirayaal iyo qaar ka mid ah madaxda warbaahinta .
Madaxweynaha Jamhuuriyadda Fedraalka Soomaaliya Mudane Xasan Sheekh Maxamuud ayaa balan qaaday in Dowladda Soomaaliya wax ka qaban doonto dhibaatooyinka heysta Saxaafadda Soomaaliyeed islamarkaana guddi u saari doonto wariyayaashii Sannadkaan lagu dilay Soomaaliya.
“ Aad ayaan uga xunnahay dilka wariyayaasha,Dowladdu waxay ku dadaali doontaa sidii dilalkaan looga hortagi lahaa, Wariye ayaa la dilay ama qof kale haddana laga gudbo ma’aha wax la qaadan karo , Dowladdu marka hore waxay baaritaan ku sameeyn doontaa wariyayaashii Sanadkan lagu dilay Soomaaliya ee gaaraya 18-ka Wariye, guddi ayaa loo saari doonaa (Task Force) sida ugu dhaqsaha badan” Ayuu yiri Madaxweynuhu.
Ugu dambeyntii Madaxweynaha Jamhuuriyadda ayaa ugu baaqay shacabka Soomaaaliyeed in hey’adaha ammaanka gacan ku siiyaan sugidda amniga iyo sidii cadaaladda loo horkeeni lahaa shaqsiyaadka ka dambeeya dilalka saxaafadda isagoona ka codsaday beesha caalamka in hey’adaha ammaan gacan-kusiiyaan sugidda nabad-geliyada.
- Dhamaad –
Agaasinka Warfaafinta
Xafiiska Madaxweynaha
Daawo Sawirada Kulanka
Comments are closed.