Muqdisho (Sh.M.Network)—Kooxo hubeysan ayaa rasaas sababtay dhimasho iyo dhaawac waxa ay ku fureen gaari rakaab ahaa oo marayay wadad dheer ee isku xirta degmooyinka Wanlaweyn iyo Buur-hakaba.
Wararka laga helayo deegaanada u dhaxeeya degmooyinka Wanlaweyn iyo Buur-hakaba oo ka kala tirsan gobolada Sh/hoose iyo Bay ayaa waxa ay xaqiijinayaa in maanta barqadii ay kooxo hubeysan ay weerar ku qaadeen gaari rakaab ah oo marayay deegaanka Jiiro-kuulow oo ka mid ah deegaanada u dhaxeeya Wanlaweyn iyo Buur-hakaba.
Gaariga la rasaaseeyay ayaa waxa uu ahaa nuuca loo yaqaano Hoomeyda, waxaana raasaasta ay kooxaha hubeysan ku fureegeen gaariga ku nafwaayay 2-ruux halka 5-kalana ay ku dhaawacmeen sida ay goobjoogayaal u xaqiijiyeen Idaacadda Shabelle.
Sidoo kale goobjoogayaasha ayaa Shabelle u sheegay in dableydii falkaasi geystay ay gaariga ka dhaceen 20-milyan oo Shilinka Soomaaliga ah.
Dadka ku dhaawacmay oo 2-kamid ah xaaladooda laga deyrinayo ayaa waxaa loo soo qaaday Isbitaalada ku yaalla Magaalada Muqdisho si halkaasi loogu daweeyo.
Comments are closed.